துர்க்கை அன்னையே! நாங்கள் உன் குழந் தைகள். உன் அருளால், உன் பிரபாவத்தால் நாங்கள் உயர்ந்த பணிக்கு, உயர்ந்த லட்சியத் துக்குத் தகுதி உடையவர்களாக ஆகவேண்டும். அன்னையே, எங்கள் சிறுமையையும் சுயநலத் தையும் அச்சத்தையும் அழி. […]

துர்க்கை அன்னையே! அன்பும் அறிவும் வலிமையும் தருபவளே; உன்னுடைய சக்தி வடிவில் நீ பயங்கரமாகக் காட்சியளிக்கின்றாய். ஓ,உக்கிரமும் அழகும் உடைய அன்னையே, வாழ்க்கைப் போரில், இந்திய நாட்டுப் போரில் நாங்கள் உன்னால் ஏவப்பட்ட வீரர்கள். தாயே, […]

துர்க்கை அன்னையே!  சிம்மவாகனம் உடைய வளே, திரிசூலம் ஏந்தியவளே, கவசம்பூண்ட அழகிய உடலைக் கொண்டவளே. தாயே, வெற்றி தருபவளே, இந்தியா உனக்காகக் காத்தி ருக்கிறது. உன் மங்கள உருவத்தைக் காண ஆவ லாய் இருக்கிறது. செவிமடுப்பாயாக. […]

துர்க்கை அன்னையே! யுகம் யுகமாக ஒவ் வொரு பிறப்பிலும் மனித உடல் எடுத்து உன் பணி ஆற்றி, ஆனந்தத்தின் உறைவிடத்துக்குத் திரும்புகிறோம். இப் பிறப்பிலும் உன் பணி ஆற்றவே உறுதி கொள்கிறோம். எங்களைச் செவிமடுப்பாயாக. அன்னையே. […]

துர்க்கை அன்னையே!  சிம்மவாகினி! ஆற்றல் அனைத்தும் அளிப்பவளே, அன்னையே, சிவனின் அன்பிற்குரியவளே, உன் சக்திக்கூறுக ளிலிருந்து பிறந்த இந்திய இளைஞர்களாகிய நாங்கள் இங்கு உன் கோவிலில் அமர்ந்து வேண்டுகிறோம். எங்களைச் செவிமடுப்பாயாக. தாயே, இப்புவியில் அவதரிப்பாயாக. […]