அமைதியிலும், மோனத்திலும் நித்தியன் வெளிப்படுகிறான். எதனாலும் பாதிக்கப் படாமலிரு. நித்தியன் வெளிப்படுவான். – ஸ்ரீ அன்னை

இறைவனின் சாந்நித்யம் நமக்கு முடிவான, நிலையான, மாறாத உண்மையாகும். – ஸ்ரீ அன்னை

இறைவனின் அமைதி நம் இதயங்களில் இடையறாது உறைதல் வேண்டும். – ஸ்ரீ அன்னை

எல்லா வாழ்வின் ரசமாகவும் எல்லாச் செயல்களின் காரண கர்த்தாவாகவும், நம் எண்ணங்களின் இலக்காகவும் இருப்பவன் இறைவன். – ஸ்ரீ அன்னை  

வேளை வந்து விட்டது” என்று இறைவன் கூறிவிட்டான். எனவே எல்லாத் தடைகளையும் தாண்டி விடலாம். – ஸ்ரீ அன்னை

இறைவனுக்குப் புறம்பான அனைத்தும் பொய்மையும், பிரமையும், துயர் மிகுந்த அறியாமையும் ஆகும். – ஸ்ரீ அன்னை

நேற்றைய வெற்றி என்பது, நாளைய வெற்றியை நோக்கி ஒர் அடி முன் செல்வதேயாகும். – ஸ்ரீ அன்னை

தளராத பொறுமை உள்ளவருக்கே வெற்றி. – ஸ்ரீ அன்னை

ஆன்மீகப் பாதையில் முன்னேறிச் செல்லும் ஒவ்வொரு அடியும் போராடிப் பெற்ற வெற்றியாகும். – ஸ்ரீ அன்னை