ஒருவன் தான் எய்தியதை மோட்சமென்றும் நற்குணமென்றும் கூறிக்கொண்டாலும், அதை அவன் தனக்கென மட்டுமே எய்தினால் அவன் எய்தியது நலமற்றதாகும்.

தெய்விகத் திருநிலையே மனிதவினத்துக்கென இறைவன் வைத்துள்ள இலக்காகும். அந்தப் பரம நன்மையை அனைவருக்கும் முழுமையாக வழங்கும் பொருட்டு, நீ முதலில் அதை எய்து.

உயிரினங்களின் மீது இரக்கங்கொள்வது நல் லதுதான், ஆனால் நீ அந்த இரக்கத்திற்கு அடிமையா னால் அது நல்லதன்று. கடவுளைத் தவிர வேறு எவருக்கும் அவருடைய ஒளிமிகு தேவதூதர்க ளுக்கும் கூட அடிமையாகாதே.

கடவுள் மனிதனை வழிநடத்துகிறார், மனித னோ தன்னைத் தவறான வழியில் செலுத்துகிறான்; மனிதனின் சாவுக்குட்பட்ட கீழியல்பு தடுமாறு வதை உயரியல்பு கண்காணிக்கிறது. இம்முரண் பாட்டிலிருந்து, இச்சிக்கலிலிருந்து நாம் விடுபட்டு நம் இயல்பின் ஒருமைப்பாட்டினை எய்த வேண்டும்; […]

இவ்வுலகில் வறுமை இருக்கும் வரை வறியோ ருக்கு உதவு; ஆனால் அதேசமயத்தில், உன் உத வியை எதிர்நோக்க வேண்டிய வறியோரே இல்லாத சமூகத்தை உருவாக்கும் வழியை ஆய்ந்து பார், அதற்கென முயற்சிசெய்.

உன் வள்ளற் குணத்தை உலகிற்குக் காட்டுவ தற்காக உன் கொடைகளை அங்குமிங்கும் அள்ளி வீசாதே;நீ எவருக்கு உதவுகின்றாயோ அவரைப் புரிந்துகொள், அவர்மீது அன்புசெலுத்து. உன் ஆன்மா உன்னுள் வளரட்டும்.

உன் அகத்தே வாழ்; புறத்தே நிகழ்பவற்றால் அலைவுறாதே.

உன் ஆன்மா முயன்று முன்னேறுவதற்காக நன்மையும் தீமையும் உருவாயின. ஆனால் அவற் றின் விளைவுகள் கடவுளைச் சார்ந்தவையாகும்; நன்மைதீமைக்கு அப்பால் கடவுள் தம்மை நிறை வேற்றிக்கொள்கிறார்.  

ஆண்டவனின் அருளாட்சியில் தீயது ஏது மில்லை, நன்மை அல்லது நன்மைக்கென ஆயத்தம் செய்பவை மட்டுமே உண்டு.