வெள்ளை ரோஜாக்கள்

நீ அமைதி அடை. அந்த அமைதியில் அன்னையைக் கண்டு உணர். – ஸ்ரீ அன்னை

பிறர் அகந்தையைக் கண்டு நீ அதிர்ச்சி அடைவது உன்னுள்ளே அகந்தை உணர்வு இருப்பதால்தான். – ஸ்ரீ அன்னை

நான் வாழ்வின் செயல்களையும் யோகத்தையும் தனித்தனியாகப் பிரித்துப் பார்ப்பதில்லை. வாழ்வே யோகமாக மலர்கிறது, செயல்களை உணர்வு பூர்வமாக இறைவனுக்கு சமர்ப்பணமாக்கும் போது, அவனுக்கே அவைகளை அர்ப்பணமாக்கும் போது. – ஸ்ரீ அன்னை 

வாழ்வில் எல்லா கசப்பான சம்பவங்களும் அகந்தை நம்மிலிருந்து அகல மறுப்பதனால் தான் ஏற்படுகின்றன. – ஸ்ரீ அன்னை

உங்கள் வாழ்வின் உண்மையான இலட்சியம் இறைவனுக்காக வாழ்வது தான் அல்லது அவன் அம்சமாக விளங்கும் உங்கள் உள்ளுறை ஆன்மாவுக்காக வாழ்வதற்கே. – ஸ்ரீ அன்னை

சுய அகந்தையை அகற்றி விட்டால் வாழ்வு அற்புத சுகந்தமாகி விடுகிறது. அறியாயோ ? – ஸ்ரீ அன்னை

உன்னை நீயே வருத்திக் கொள்ளாதே. – ஸ்ரீ அன்னை

இறைவனிடம் நம்பிக்கை வை. அமைதியில் ஆழ்ந்திரு. உன்னை அவருடைய அருளுக்கும் சக்திக்கும் முழுவதுமாகத் திறந்து வை. எல்லாம் சரியாகி விடும். – ஸ்ரீ அன்னை