ஸ்ரீ அன்னை

காலை களிப்பூட்டுகிறது. நண்பகல் பொன் போன்ற நல் அமைதி தருகிறது.மாலை இதமான இளைப்பாறுதல் வழங்குகிறது. இவை நாள் வழங்கும் நல்வரங்கள்.

‘பிறகு, பிறகு’ என்னும் சுபாவம் பிசகானது. எதையும் ‘நாளை, நாளை` என்று தள்ளிப் போடும் நம் அறியாமை நம்மை ஒரு பாழ்மாளிகைப் பகுதியில் தான் கொண்டு போய் தள்ளி விடும். – ஸ்ரீ அன்னை

எப்பொழுதும் அன்பின் ஸ்வரூபமாகவே இருந்து விடு. துன்பம் ஒரு போதும் உன்னைத் தீண்டாது. – ஸ்ரீ அன்னை

நம் ஒவ்வொருவர் ஆன்மாவும் வானுலக சுவர்க்கமும் ஒரே நேரத்தில் ஜனித்தவைகள். நாம் யாருக்கும் சளைத்தவர்கள் அல்லர். நாம் தேவலோக தேவர்களுக்குச் சமமானவர்கள். – ஸ்ரீ அன்னை

மனிதன் இறைவனின் இரண்டாவது பிரதி, நல்லதையும் அல்லாததையும் மாறி மாறி வழங்குவதில். – ஸ்ரீ அன்னை

ஜீவன் மண் தூசியிலும் ஒரு நிலையில் அளைகிறான். எப்படியாவது அற்புதத்தை எட்டி விடத் துடிக்கிறான். சடமோ ஆன்மாவோ ஆற்ற வேண்டுவதை அவன் அடையத் துடிக்கிறான். – ஸ்ரீ அன்னை

நீ அமைதி அடை. அந்த அமைதியில் அன்னையைக் கண்டு உணர். – ஸ்ரீ அன்னை

பிறர் அகந்தையைக் கண்டு நீ அதிர்ச்சி அடைவது உன்னுள்ளே அகந்தை உணர்வு இருப்பதால்தான். – ஸ்ரீ அன்னை

நான் வாழ்வின் செயல்களையும் யோகத்தையும் தனித்தனியாகப் பிரித்துப் பார்ப்பதில்லை. வாழ்வே யோகமாக மலர்கிறது, செயல்களை உணர்வு பூர்வமாக இறைவனுக்கு சமர்ப்பணமாக்கும் போது, அவனுக்கே அவைகளை அர்ப்பணமாக்கும் போது. – ஸ்ரீ அன்னை